《悠然日子》之〈家聚有時〉
文/峻梅
細個個陣， 成日聽老人家講：
人一世最滿足嘅， 就係睇住兒孫圍坐身旁、 一家人熱熱鬧鬧食餐飯。
以前總覺得， 呢個畫面好遙遠。
歲月流轉,
仔女長大， 各有各忙。
阿仔成家立業， 亦做咗爸爸；
而一向喜歡挑戰自己、滿世界跑嘅阿女， 生活更加精彩忙碌。
一家人要齊齊整整坐低食餐飯， 原來唔容易。
以前， 總係做父母嘅我哋， 提早預約仔女嘅時間。
衣家， 反而係佢哋主動約我哋聚餐。
點菜、夾菜， 最後仲主動埋單。
睇住佢哋談笑風生、 眼裡有光嘅樣子，
心裡忽然有一種很深嘅感動。
原來父母最大嘅欣慰， 未必係孩子飛得幾高、走得幾遠，
而係——
無論佢哋有幾忙、外面風雨幾多， 佢哋嘅心， 依然同呢個家連埋一起。
平日生活裡嘅疲累與瑣碎， 喺呢一刻，
都被滿桌笑聲輕輕治癒。
其實， 呢份感恩同滿足， 好難用言語完全表達。
望住燈光下圍坐嘅一家人，
心入面就係舒服。
原來——
家聚有時， 幸福有時。
而我哋能做嘅， 就係珍惜彼此。
